Модыш шочмо калыкын историйжым, илыш-йӱлажым, озанлык пашажын ойыртемжым да кӧргӧ сынжым рашемдаш полша. Мутлан, марий калыкын озанлык пашам ыштен илымыж нерген «ОЛМАМ ПОГЫМАШ» модыш палдара.

Тиде модыш годым кажне икшыве сайын ойлаш да чолга, лӱддымӧ лияш тунемеш.

– Тук-тук! – ик икшыве омсам пералтен, йӱкым луктеш.

– Кӧ толын? – йодыт молышт.

– Сад орол.

 – Молан толынат?

– Олмам погаш, мешакыш опташ.

– Олмажым поген, мешакышкыже оптен моштет?

– Погенат моштем, оптенат моштем – ача-авам туныктеныт.

– Тугеже олмажым кузе погат, мешакышке кузе оптат – ончыкто-ян!

– Теве тыге погат, теве тыге оптат! – икшыве олмам кузе погымым, мешакыш кузе оптымым ончыкта. Тыгодым пуйто мешакым шаралта да, олмам оптен, вара поген ситарен, мешакым кылда.

Кажне йочалан «олмам погыкташ» пайдале.

Модса йолташда-влак дене, ешда дене пырля модса!

Вниманию читателей представляем список литературы по представленной теме из фонда Национальной библиотеки имени С. Г. Чавайна:

1. Китиков, А. Е. Марий калык модыш / А. Е. Китиков. – Йошкар-Ола, 1990. – 60 с.

2. Марий калык модыш-влак = [Марийские народные игры] / С. Д. Архипова ямдылен. – Йошкар-Ола, 2012. – 111 с.

3. Марий калык ойпого : хрестоматий / В. Т. Михайлов ямд. – Йошкар-Ола, 2011. – 358 с.

4. Марийские народные игры / составитель Архипова Светлана Дмитриевна. – Йошкар-Ола, 2020. – 119 с. : ил.

5. Михайлов, В. Т. Марий калык ойпого = [Устное народное творчество мари] : туныктымо пособий = [учебное пособие] / В. Т. Михайлов. – Йошкар-Ола , 2012. – 310 с.

6. Петухова А. Н. Детский фольклор народа мари / А. Н. Петухова. – Йошкар-Ола, 2004. – 288 с.

Материал подготовила Л. И. Миниахметова, ведущий библиотекарь отдела социально-экономической литературы