7 октябрьыште 11 шагатлан С. Г. Чавайн лӱмеш калыкле книгагудын конференц-залыштыже «Марий краевед» клубын черетан погынымашыже лиеш. Ты гана погынымаш Туныктышын да наставникын идалыкшылан да уста туныктышо, писатель Василий Фёдорович Сапаевын 100 ияш лӱмгечыжлан пӧлеклалтеш.

Клубын погынымашышкыже Марий Эл Республикын калык туныктышыжо-влак: Валерий Фёдорович Галкин, Зоя Александровна Беляева, Иван Николаевич Ельмекеев да Валентина Николаевна Васильева – ушнат. Историй наукын кандидатше Анатолий Васильевич Муравьёв лӱмлӧ туныктышо-влак Виталий Андреевич Петухов, Василий Фёдорович Сапаев, Петр Емельянович Емельянов нерген докладым лудеш. Уста туныктышо Василий Фёдорович Сапаевын ӱдыржӧ Светлана Васильевна Сапаева ачажын лӱмжым  порын шарналта.

«Марий краевед» клубын погынымашышкыже туныктышо, школышто тунемше, краевед, журналист-влак ушнат.

Кумылан-влакын пагален ӱжына!