КУГУ КУМДА МОТОР РОССИЙ

                                Лидия Иксанова

Калининград гычын Владивосток марте –

Кугу кумда мотор мыйын Россий.

Ала-кунам ала-кӧлан изиш артен –

А таче шалаташ элнам ок лий.

Тӱня кугу, а шочмэлна, ончал, шкенан,

Шарлалын возын кумдык лыве гай.

Ик падырашыжат – тичмаш, мемнан.

Чыла вере ме – мӧҥгыштӧ, кеч-кушко кай.

Камчатке, Сочи але Наръянмар,

Владикавказ, Сургут, Йошкар-Ола…

Йотэл гыч толшо «ударак» ок ман,

Вет тыште калык моткочак келшен ила.

Марий, татар, уйгур, мордва…

Вашла чылан рушла кутырена.

Тӱжем лукла гыч корно ушалтеш Москваш. –

Ме ик тӱшка гыч улмо дене ырена.

(Источник: Иксанова Л. Г. Мый шочмэлым йӧратем : почеламут-влак, йомак-поэме. – Йошкар-Ола, 2016)