Пагалыме йолташ-влак! Борис Александровын «Кава гыч волышо лӱҥгалтыш» ден «Шӱмем кычалеш» романже дене палыме лияш темлена.

«Кава гыч волышо лӱҥгалтыш» романыште тӱрлӧ пагытым сӱретла. Тӱҥ темыже – илыш. Кажне айдеме, ош тӱняшке толмекше, могай пӱрымашым шочыкташ, рӱдӧ сомылжо лишыл еҥжылан, ешыжлан, калыкшылан, шочмо кундемжылан могай пайдам кондышаш – тӱрлӧ йодышланат романыште вашмутым муаш лиеш. Тыгак автор роман кышкарыште Урал мландысе Тавра кундемын легендыже ден преданий-влакым, мифым лудаш темла.

«Шӱмем кычалеш» книгаже айдеме ӱмырын эн йомартле пагытшылан – рвезылыклан – пӧлеклалтын. Автор ялысе самырык-влак коклаште шочшо йӧратымашым, йолташ семын келшымашым, нунын шонымашыштым почын пуэн. Возымаштыже тудо ятыр мурым, шке почеламутшым, легенде-шамычым кучылтын.

Тиде книгам калыкле книгагудын краеведений пӧлкаштыже налын лудын кертыда.

Уверым краеведений пӧлкан библиотекарьже А. В. Иванова ямдылен.