21 апрельыште 16 шагатлан С. Г. Чавайн лӱмеш калыкле книгагудын конференц-залыштыже «Марий краевед» клубын черетан погынымашыже лиеш. Погынымаш кумдан палыме шымлызе, историй шанче доктор, краевед, Марий АСССР-ысе наукын сулло деятельже, Россий Федерацийысе кӱшыл школын сулло пашаеҥже, Марий Эл Республикысе М. Н. Янтемир лӱмеш Кугыжаныш премийын лауреатше Геннадий Николаевич Айплатовын 85 ияш лӱмгечыжлан пӧлеклалтеш.

Клубын погынмашышкыже Марий Эл Республикын тӱвыра, савыктыш да калык паша шотышто министерстве да марий туныктышо институт гыч уна-влакым ӱжмӧ, тыгак шымлызе, краевед, журналист, туныктышо да студент-влакым вучена.

Кумылан-влакым «Марий краевед» клубын погынынымашышкыже пагален ӱжына!