С. Г. Чавайн лӱмеш калыкле книгагудо кугурак ийготан-влаклан пӧлеклалтше «У старт. 55+» («Новый старт. 55+») проектым илышыш шыҥдара. «Мыйын Марий Элем» («Мой марийский край») лӱман ик ужашыже краеведений пӧлкаште эрташ тӱҥалеш.

3 октябрьыште «Книгагудын шуэн вашлиялтше да шергакан фондын изданийже-влак» («Ценные редкие краеведческие издания НБ им. С. Г. Чавайна») лӱман икымше вашлиймаш эртен. Краеведений пӧлкаште марий калыкын историйже, пӱртӱс поянлыкше, илыш йӱлаже, шочмо йылмыже нерген книга да журнал-влак аралалтыт. «У старт. 55+» проектыш ушнышо уна-влакым книгагудын пашаеҥже-влак шергакан понялык дене палдареныт. Умбакыжат лудшына-влакым оҥай вашлиймаш-влак вучат. Пагален ӱжына!