9 декабрьыште Марий тиште кече вашеш С. Г. Чавайн лӱмеш калыкле книгагудын краеведений пӧлкаштыже «Марий тиште тӱня» лӱман площадке пашам ыштен. Площадкыште куд станций вераҥын: «Тиште алан», «Марий писательым пале», «Онарын мландыже», «Родо-тукым тӱня». Нине станцийлаште книгагудын унаже-влак марий калыкын тиштыже, сылнымутшо, историйже, родо-тукым кылже нерген йодыш-влаклан вашмутым пуэныт, «Писын лудына» станцийыште ик минутышто марий да руш йылме дене возымо текстым лудыныт, «Мый улам уныкаже Онарын…» фотозонышто, марий талешкын вургемжым чиен, фотографийым ыштеныт.

Тиште кечылан пӧлеклалтше площадкын станцийлажым школышто тунемше, книгагудо пашаеҥ, «Новый старт. 55+» проектын участникше да книгагудын лудшыжо-влак эртеныт.