Рабочая поездка в деревню Чавайнур

18.09.2017 | 1600 просмотра(ов)

Идым тылзын 15-ше кечынже С. Г. Чавайн лӱмеш калыкле книгагудо пашаеҥ-влак Морко мландыште шочын-кушшо, сылнымутлан тӱҥалтышым ыштыше мастар С.Г. Чавайнын тоштер-пӧртышкыжӧ вашкылым пеҥгыдемдыме кумыл дене миен коштна. Мемнам верысе тоштерым вуйлатыше О. В. Петров ден «Морко мланде» да «Моркинская земля» газет-влакын тӱҥ редакторжо А. А. Титов порын вашлийыч. Олег Владимирович музей мучко экскурсийым эртарыш, тӱрлӧ оҥай шымлымаш дене палдарыш. Анатолий Анатольевичат мемнам палыдыме, илышыште чын лийше факт дене куандарыш.

Тоштер пашаеҥ-влак кок терке пушкыдо шокшо мелна, тамле пушан шудо чай дене сийлен колтышт. Мучашлан С. Г. Чавайнын памятникше воктене тӱшка фотом ыштышна. Мемнам порын вашлиймыштлан тау мутым каласен, ончыкшым вашкылна утларак вияҥже манын, шыжа тылзын 6-шо кечын, С.Г. Чавайн лӱмеш сылнымут пӧлкам почмо пайремыш пагален ӱжна.

Mari