2020 ий 24 сентябрьыште 16 шагатлан С. Г. Чавайн лӱмеш калыкле книгагудышто «Марий краевед» клубын черетан погынымашыже лиеш. Клубын 121-ше погынымашыже краевед, Марий Эл Республикысе тӱвыран сулло пашаеҥже Алексей Максимович Клёновын 60 ияш лӱмгечыжлан пӧлеклалтеш. 2018 ий гыч Алексей Максимович «Марий краевед» клубын председательже улеш.
Клубын погынымашыштыже историй наукын кандидатше Василий Геннадьевич Востриков ден Алексей Максимович Клёновын «Марий Эл. Хроника столетия: 1920-2020» лӱман книгаштын презентацийже лиеш. Хроникышке республикыштына 100 ий жапыште лийше тӱҥ событий-влакым пуртымо.
Тыгак клубышто У Торъял район гыч краевед Иван Фёдорович Шамаев «Родные рощи жизни. (Илыш ото)» лӱман книгаж дене палдараш тӱҥалеш. Книгаште У Торъял районысо Талманъял, Алыксий, Пӱнчэҥер яллаште илыше посна родо-тукымын историйыштым ончыктымо.
Клубын погынымашышкыже Марий Эл Республикын тӱвыра, савыктыш да калык паша шотышто министерствын пашаеҥ, краевед, шымлызе, туныктышо, студент, архив пашаеҥ-влакым вучена.
Кумылан-влакым пагален ӱжына!
- 1124 просмотра
