Дзинь! – урокыш ӱжын, ЙЫҤГЫР йӱк шоктыш. Тыгай лӱм дене Марий Эл Республикыштына йоча газет икымше гана ош тӱням ужо. Тудо тендан дене, самырык лудшо-влак, тунемме ий мучко лиеш.

Икымше номерым лукмаште "Ямде лий" ден "Кугарня" газет редакций-влак тыршеныт, кум пытартыш номерлам "Кугарня" газет редакций луктын.

Сылне фото да сӱрет дене сӧрастарыме йылгыжше страницылаште кугыеҥ автор-влакын возымо лаштыкышт веле огыл, изирак йолташна-влакын пашаштат ончыкталтыт. Пытартышышт шкеныштым корреспондент, возгалыше, интервьюм налше, поэт семын шкеныштым ужыт.

Газет кандаш лаштык гыч шога. Тыште заметке, кроссворд да тушто семын ончыктымо интерактив, марий герой-влак нерген ойлымаш, школ илыш, туныктышо нерген оҥай материалым муаш лиеш. Тӱвыра, печать да калык-влакын пашашт шотышто министр Константин Иванов палемден: «Мыйын шонымаште, газетын ончыкылыкшо кугу...»

С. Г. Чавайн лӱмеш калыкле книгагудо, информацийым пуышо, калыкле поянлыкым аралыше, тӱрлӧ сферлаште пайдаланыше-влакын информаций йодмашыштым шуктен шогышо тӱҥ вӱдышӧ рӱдер семын, лудшо-влакым газет дене палыме лияш ӱжеш.

Газетын икмыняр тӱшкаже Марий Эл Республикнан книгагудылашкыже колталтыт.