21 мартыште 15 шагатлан С. Г. Чавайн лӱмеш калыкле книгагудын краеведений пӧлкаштыже Мария Матукован «Кундемнан шӧртньӧ поянлыкше» книгажын презентацийже лиеш.

Марий Эл Республикысе тӱвыран сулло пашаеҥже, краевед Мария Байрамовна Матукова книгашкыже шочмо мландынам чапландарыше еҥ-влакын илышышт да творческий корнышт нерген очерклам чумырен. Сылнымут классик С. Чавайнын, икымше марий режиссёр А. Егоров-Маюкын, театр артист-влак Г. Пушкинын, Н. Конакован, А. Страусован, сӱретче И. Ямбердовын да ятыр моло уста айдемын лӱмышт кундемнан историйыштыже шӧртньӧ буква дене возалтыныт.

У книга дене вашлиймашыш кумылан-влакым пагален ӱжына!