С. Г. Чавайн лӱмеш кугыжаныш книгагудын краеведений пӧлкаштыже Марий Эл Республикысе архив службым (1922) ыштымылан 95 ий темме лӱмеш «АРХИВ – историйын ушыжо («АРХИВЫ – память истории») книга ончерым чумырымо. Книга ончер сентябрь мучаш марте шуйна. 
Пагален ӱжына 
АРХИВ – историйын ушыжо. Архивистна-влак документлаш палемдалт кодшо поянлыкым аралаш чылажымат ыштат. Вет нуно тукым кокласе кылым, поян опытым ушат да пойдарат. 

А эртышым палыме деч посна ончыкылыкым умылаш неле… Архив – илышысе кажне йыжыҥ айдеме да тудын сомылжо дене кылдалтын… 
Марий Элын архивлаштыже кызыт ик миллион утла дела аралалтеш, кажне ийын тудо 100 тӱжем марте документ дене пойдаралтеш. Тушеч 9 документше уникальныйлан шотлалтеш, нуным сейфыште кучат. Тыгак 30 тӱжем утла дела поснак шергаканлан шотлалтеш. 20 тӱжем наре дела – аудиовизуальный. 
597 тӱжем документ кугыжаныш архивыште, 316 тӱжем – муници- пальныйыште да 124 дела ведомственный архивлаште улыт. 
Республикысе архив служба кызыт Архив паша шотышто комитетым, Кугыжаныш архивым, Архив фондым формироватлыше службым, Личный состав шотышто документ-влакым аралыме рӱдерым, Аудиовизуальный документаций-влак кугыжаныш архивым, Марий Элысе муниципальный районласе да ола округласе администраций-влакын 17 архивыштым ушен шога. 
Кундемнан тӱрлӧ шӧрынан илыш корныж але тукым вожна гыч иктаж-кӧн пӱрымашыж нерген пален налаш шонена гын, мутат уке, эн ончыч архив службылан эҥертена. Шкенан дене кылдалтше кӱлеш документ-влакымат шукыж годым тыштак кычал муына. Тудо мӱян сото гай: эре ешаралтеш, эре пойдаралтеш. 

В отделе национальной краеведческой литературы и библиографии НБ им. С. Г. Чавайна к 95-летию со дня создания архивной службы Республики Марий Эл (1922) оформлена книжная выставка «Архивы – память истории». Выставка продлится до конца сентября.

С дополнительно информацией о выставке вы можете познакомиться в документе "Хранители истории"