Журнал и газета – в подарок

19.09.2019 | 1306 просмотра(ов)

Кодшо кечылаште С.Г.Чавайн лӱмеш калыкле книгагудо 350 экземпляр «Марийский мир – Марий сандалык» лӱман журнал  да 3500 экземпляр «Марий Эл. Официальный документым савыктыше газет» дене пойдаралте.

Журналын кудло лаштык дене савыкталтше номерже содержаний дене моткоч виян. Тыште тӱрлӧ кӱлешан да оҥай теме-влак ончыкталтыныт: Мер каҥаш вуйверын Урал кундемыште эртыше черетан заседанийже, Йошкар-Олаште палемдалтше Пеледыш пайрем, Унчо селаште эртаралтше Россий кӱкшытан 11-ше самырыктукым погарня, 100 ийым темаш ямдылалтше М.Шкетан лӱмеш Марий национальный драме театр. «Саскавий» марий ӱдырамаш ушемын «Морко Таня» лӱман ямдылыме статьяже чолга ӱдырамаш, Морко калык землячестве вуйлатышын алмаштышыже Татьяна Николаевна Степанова нерген оҥайын каласкала.

«Марий Эл. Официальный документым савыктыше газет» «2019 ийлан да 2020 ден 2021 ийласе плановый жаплан Марий Эл Республикын республиканский бюджетше нерген» Марий Эл Республикын 2018 ий 3 декабрьысе 59-3 номеран Законжо пелен пыштыме 10-шо номеран приложений гыч ужаш дене палдара.

Марий Элыште веле огыл, моло кундемыштат илыше марий-влакын илышыштым, пашаштым, лектын шогышо йодышыштым почын пуышо журнал да официальный документым савыктыше газет дене С. Г. Чавайн лӱмеш калыкле книгагудышто палыме лияш йӧн уло. Шуко ужашыже республикнан книгагудылашкыже колталтыт.

Mari