С.Г. Чавайн лÿмеш калыкле книгагудо тений 140 ияш лÿмгечым палемда. Тидын вашеш Почмо омса кечым да Марий тиште кечылан пӧлеклалтше пайремым теле тылзын 9-ше кечынже эртарен. Мемнан Книга палате пӧлка «Тамгам сÿретлена» мастар-классым эртарен. Кӧ книгагудыш тиде кечын толын, кажныже гаяк тамгам сÿретлаш да тудын мом ончыктымыжым пален налаш вашкен. Йоча-влакат ятырак лийыныт, кӧ лаштыкеш сÿретлен, кӧ гын шартышеш палыжым коден, южыжо мӧҥгышкыжат ешыжлан тамга нерген палдараш наҥгаен. Чынак, кызыт шукынжо марий тÿран вургемым чият, сандене тудым ыштыме деч ончыч тамган палыжым палыман да кучылт моштыман. Тидлан кушкын толшо тукымлан умылтарен шогыман, кушеч тамга лектын, мом ончыкта да кушто кучылташ лиеш.