Марий караоке! Муралтена, йолташ-влак!

11.12.2017 | 1988 просмотра(ов)

9 декабрьыште С.Г.Чавайн лӱмеш книгагудышто лудшо-влаклан Омса почмо кече эртен. Тудо С.Г.Чавайн лӱмеш кугыжаныш книгагудылан 140 ий темме лӱмеш да Марий тиште кечылан пӧлеклалтын.  Социально-экономический пӧлкат тиде пайремыш ушнен. Пӧлкаште «Марий караоке» мероприятий эртен. Вашлиймашым уста гармоньчо да мурызо Владимир Николаевич Романов сӧрастарен. Тудын яндар йӱкан гармоньжо пайремыш толшо-влакым тошто, самырык годсо муро-шамычым шарналташ ӱжын. Шукынжо «Икымше йӧратымаш»,  «Лек уремыш, таҥем...», «Ший шергаш», «Эрвел лыве», «Одален таҥем» муро-влакым йӧратен йоҥгалтареныт. Ме пайремыш толшо  чыла уна-влаклан таум ойлена да ӱшанена :  С.Г. Чавайн лӱмеш книгагудышто сылне марий муро-влак дене  эше шуко вашлиймаш вучаш тӱҥалеш.

 

Mari