Книга – в дар

14.08.2018 | 1729 просмотра(ов)

С. Г. Чавайн лӱмеш калыкле книгагудылан Ираида Букетова-Алвий «Помни своих» («Шарне шке тукыметым») книгам пӧлеклен. Автор ачажын, Аркадий Букетов-Сайнын, журналист да краеведын, мутмастар да туныктышын, шке тукымым шымлыме пашажым шуен. Тиде книгаште Морко район Эҥерӱмбал Шале ял гыч лекше Ӧтӧгӧн тукымын вияҥмыжым раш почын ончыктымо. Тиде тукым Россий мучко веле огыл, тыгак Германий, Израиль, Эстоний, Австралий эллаштат шарлен. Сандене книгам руш йылме дене возымо.

Кажне еҥ шке шочмо вержым, вожшым палышаш. Тыге гына мемнан историй вияҥын кертеш. Ӧтӧгӧн тукымышто шуко пагалыме еҥ улыт. Сандене Ираида Букетова-Алвий ончыкылык тукымлан нунын нерген шарнымашым арален кодаш тыршен.

…Ӧтӧгӧн – суртвечылан кӧгӧн,

Сайнже уныка, ачамже кӧн?

Эчий Сайнын Сайгелдет,

Сайгелдетын Сапанет,

Сапанетын Вӧдырет,

Вӧдырын Тмапиет,

Тмапи Опанасет,

Опанасын Йыванет

Ик вож гычак, шеремет!

Mari